Posibleng magapangatubang sa kasong Frustrated Homicide ro 18 anyos nga eaeaki nga nagbuno sa anang naka-inuman sa sangka kasadyahan sa Brgy. Mambog, Banga .
Ro suspek nga presenteng nakakulong sa lock-up cell it banga police station hay nakilaea kay Patrick dalida, residente it nasambit nga lugar samtang ro biktima nga una sa kritikal nga kundisyon nga padayun nga gina-obserbahan sa ICU it sangka pribadong ospital hay si John Loyd Torres, 20 anyos ag residente it Brgy. Bacan, Banga.
Ro biktima hay nag-angkon it igo it pagbuno sa anang tiyan, dughan, ag tuo nga siko.
Suno kay P/Staff Sgt. Randy de Pablo it Banga PNP nga natabu ro insidente matapos nga makaangkon it mainitan nga diskusyon tuga it kahilungon sa tunga it Kenneth Nahil ag ni Rustom Ignes apang nakisawsaw ro suspek ag ro biktima nga nagresulta sa andang pagdueumugan .
Kasunod kara, gulping nagbo-oe it kutsilyo si dalida ag ginbuno it makapilang beses si torres.
Depensa man it suspek nga si Dalida nga nagpatunga eamang kunta imaw sa away, apang napikon matapos nga ginsita ag ginbayo it biktima.
Ginpahayag dugang nga napueot eamang sigon nana ro kutsilyo nga gingamit sa krimen.
