-- ADVERTISEMENT --
KALIBO, Aklan — Arestado ro sangka eaeaking Hong Kong citizen bangud sa pagpanueup sa sangka miyembro it Malay Auxiliary Police (MAP) matapos nga sitahon sa anang pagpanigarilyo, Lunes it hapon sa pampublikong lugar sa isla it Boracay.
Ginkilaea ro suspek nga si Dennis Chong, 50, taga-Hong Kong, ag presenteng naga-istar sa Brgy. Balabag sa isla.
Base sa report, ginsita ro dumueuong bangud sa pag-eabag sa Municipal Ordinance No. 309 ukon Anti-Smoking ag No. 311 ukon Anti-Littering, apang sa baylu nga patyon ro nakasinding sigarilyo hay gintueop kara ro enforcer.
Insigidang gindaea si Chong sa presinto nga makaron hay nagapangatubang sa kasong pag-eabag sa direct assault upon an agent of a person in authority.
