KALIBO, Aklan—Ginbatikos it grupong Paghugpong Sang Mangunguma sa Panay kag Guimaras ukon Pamanggas ro eapnaag nga importasyon it produktong agrikultura sa sueod it sang dag-on nga pagpungko ni Pangueong Ferdinand Marcos Jr.
Suno sa chairperson it grupo nga si Lucia Capaducio, uwa it mayad nga nahimuan ro chief executive bilang pinuno it Department of Agriculture.
Imbes nga magasanyog kunta ro sektor it agrikultura hay mas kapin pa nga naglala bangud sa eapnaag nga importasyon it asukar, sibuyas ag iba pa.
Bukon suno kana it bagay ro nasambit nga posisyon bangud nga nagakapyerde ro lokal nga produkto ag ro masaklap pa sigon ro mga kaeogtaan ukon kaeanasan hay ginapatindugan it pabaeay ag commercial building.
Ginatan-aw nga magaabot ro tyempo nga uwa eon it taeamnan ro mga mangunguma.
Nagpanindugan si Capaducio nga may mabahoe nga kakueangan sa pagkaon nga sa kamatuoran hay inde kunta naton raya maeksperyensyahan bangud nga ginakabig nga agricultural nation ro Pilipinas.
