Naabot eon ro full capacity it emergency room sa National Kidney and Transplant Institute (NKTI) bangod sa kaabo it mga pasyenteng dinapuan it leptospirosis.
Eowas sa emergency room it hospital hay napuno eon man ro gymnasium raya eon man ro nagserbing ordenaryong ward it mga pasyente nga dinapuan it nasambit nga sakit.
Kapin sa 126 nga pasyente nga sa ER hay 66 sa mga raya ro nakaeobog sa kama samtang ro iba hay sa wheelchair o monoblock nga mga pungkuan.
Sinabi ni National Kidney and Transplant Institute Deputy Executive Director for Medical Services Romina Danguilan nga maskin regular eon sanda nga naga baton it mga pasyente nga may leptospirosis, naobserbahan nanda nga naging Malala ro kaso makarang dag-on.
Uwa sigon it problema nga magdugang sanda it mga kama apang importante nga dugangan ro mga tawohan it hospital para matatapan ro mga pasyente.
Nagpadaea man ro Philippine Red Cross it mga volunteers kara nga magabulig sa mga personnel it National Kidney Transplant Institute.
Madumduman nga nag abo ro kaso it leptospirosis sa Metro Manila matapos ro maeawakan nga pagbaha nga daea it super typhoon nga si Carina.
