Nagpanindugan si Agriculture Sec. Francisco Tiu Laurel Jr., nga inde madehado ro mga mangunguma it nasyon sa ginhimo nga pagpirma ni Pangueong Ferdinand Marcos Jr. sa Executive Order 62.
Ro nasambit nga EO hay ro nagabawas sa taripa it mga gina-import nga bugas halin sa dating 35% panaba sa 15%.
Suno sa opisyal, indi dapat magkabaeaka ro mga mangunguma kasunod it pagbuhin sa taripa it imported nga bugas.
Bukon sigon it anti-farmer ro nasambit nga tikang kundi makabulig raya agud masolusyunan ro kinahang-eanon nga makaangkon it bugas sa mga merkado nga may manaba ukon masarangan nga presyo.
Kon anuman man sigon ro maduea nga pondo sa idaeom it Rice Competitiveness Enhancement Fund(RCEF) hay pagatutukan man it gobierno nga mapun-an agud nga magpadayon ro suporta sa mga mangunguma.
Samtang, ginpahayag it opisyal nga ginaplanuhan eon it Department of Agriculture ro pagdugang it suporta sa mga mangunguma sa idaeom it mechanization program ag additional fertilizer support.
