Nag-isyu it 30 diyas nga ultimatum ro Amerika sa Israel para pabaskugon ro humanitarian aid access sa Gaza ag engkasong mapas-eawan, nagpamaeag nga punduhon ro military aid.
Ginhimo it Biden administration ro nasambit nga warning sa sangka sueat nga ginpadaea sa gobyerno it Israel nga ginakabig nga pinakagrabeng pormal nga paandam nga ginpaguwa sa andang kaalyadong nasyon halin kat nag-eontad ro giyera sa Gaza.
Ginpirmahan nanday US Secretary of State Antony Blinken ag Defense Secretary Lloyd Austin ro nasambit nga sueat ko adlaw it Martes.
Ginpahayag man it Estados Unidos nga eubus raya nga nagakabaeaka sa deteriorating humanitarian situation sa rehiyon.
Nakabaehag man sa sueat nga ginpunggan it Israel ro haeos 90% it humanitarian aid nga ginpadaea sa Gaza ko nagtaliwan nga buean.
Ginpahayag dugang it Estados Unidos nga napilitan ro haeos 2 milyong katawo nga magbakwit sa Gaza strip kon sas iin mataas ro paeag it lethal contagion bangud sa grabe nga overcrowding.
Sa makaron, gina-review eon it Israel ro ginpadaea nga formal letter it Estados Unidos ag ginpahayag nga seryoso nandang ginatun-an ro nasambit nga isyu ag target nga solusyunan ro mga concern nga ginapaabot it andang US counterparts.
