Eurovisions winner magalibot sa Europe para magtipon it pondo para sa mga sondado it Ukraine

ARTISTA–Nakataeana nga magpatigayon it  European tour ro nagdaog sa Eurovision Song Contest sa Ukraine para makatipon it  pondo.

Suno sa Kalush Orchestra nga pagagamiton nanda ro pondo para buliganan ro andang mga sudado nga padayon nga nagaahalin sa mga  Russian forces nga nagsukob sa andang nasyon.

Suno sa andang frontman nga si Oleh Psiuk nga sa mga masunod nga adlaw hay andang paga-anunsiyuhon kung siin nga mga lugar pagatigayunon ro nasambit nga European tour.

Nagaeaum man sigon imaw nga sa masuod nga mga dinag-on hay mapilian nga host ro Ukraine it nasambit nga singing contest.

Mataeopangdan nga naging paborito ro nasambit nga banda sa Eurovision tag nagsikat ro andang kantang  “Stefania” nga pinaghaeong rap ag folk music.