Nagtaliwan eon ro dating bise gobernador ag dating kongresista it pungsod it Camarines Norte nga si Renato “Jojo” Unico Jr. Imaw hay nagsirbing representante kat raya hay lone district pa eamang.
Kat natunga sa dalawang distrito ro eaeawigan hay nagpungko man imaw nga kongresista it unang distrito. Suno kay Dr. Catherine Barcelona, binawian it kabuhi si Cong. Jojo sa edad nga 57.
Samtang uwa pa na idinetalye ro dahilan it pagpanaw it dating mamalidha. Si Unico ro nagsueong it House Bill No. 8800 nga kuulihi hay naging laye para sa pagdeklara sa Camarines Norte State College bieang University of Camarines Norte.
Nangin representante imaw it probinsya ko 12th, 13th, 15th ag 17th Congress. Imaw ro unga it dati man nga kongresista nga si Congressman Renato M. Unico Sr.
