KALIBO, Aklan–Todo makaron ro paghinugyaw it mga fans it Golden State Warriors sa bahin it San Francisco, California matapos ro kadaeag-an sa Game 5 it nagapadayun nga NBA Finals kontra sa Boston Celtics sa score nga 104-94 kahapon.
Suno kay Bombo International Correspondent Greg Aguilar, parehong nagpakitang gilas ro mga superstar it daywang koponan.
Apang, na-obserbahan kara nga medyo nagkueang ro opensa ag depensa it Celtics kung siin raya ro gingamit nga kahigayunan it Warriors agud nga magpangibabaw sa hampang.
Samtang, posible sigon nga makabawi ro Celtics sa Game 6 bangud sa ginatawag nga homecourt advantage.
Nagapati man ro kaabuan nga maga-abot pa it hasta Game 7 ro hampang.
Sa makaron, mas pang nagbahoe ro abante it Warriors sa pustaan.
