KALIBO, Aklan—Mabahoe ro ginnaba it total fisheries production sa Western Visayas sa unang quarter it 2024.
Ro total production makaron nga quarter hay una eamang sa 66,561 metric tons ukon 10.4% nga mas manaba kumpara sa 74,323 metric tons nga nairekord sa kapareho nga period ko 2023.
Ro bawas makaron nga dag-on hay katumbas it 7,762 metric tons.
Sa latest report it Philippine Statistics Authority (PSA), ro pag-naba nga na-obserbahan sa tanan nga fisheries subsectors hay 4.4 % sa aquaculture; 6.8% sa commercial fisheries; 18.5% sa marine municipal fisheries; ag 63.4% sa inland fisheries.
Ro total value it fisheries production sa rehiyon sa unang quarter it 2024 hay una sa P6.45 billion nga may 28.3 percent nga pagnaba halin sa P9.00 billion nga nairekord sa kapareho man nga period ko nagtaliwan nga dag-on.
