KALIBO, Aklan—Padayun ro misting operation it lokal nga gobyermo it Kalibo sa mga lugar nga may nailistang kaso it dengue.
Raya hay agud nga masiguro nga malikawan ro mga namok nga carrier it dengue.
Suno kay Michael Mendoza, sanitary inspector II it LGU Kalibo nga sa oras nga may mabaton nga report halin sa Provincial Health Office hay insigida sanda nga nagapatigayon it pag-inspeksyon sa lugar it tinamaan it dengue agud nga matumod ro ginapamugaran it mga kiti-kiti ag namok.
Sa makaron sigon hay sambilog ro Aklan sa may pinakamataas nga kaso it sakit rason nga eauman eon ro andang sunud-sunod nga pagpatigayon it misting operation.
Bukon eamang sa mismong baeay it pasyente nagapatigayon it nasambit nga operasyon kundi sa kaiping nga mga baeay nga nakasueod sa 300 meter radius.
Nagapanawagan man si Mendoza sa mga residente nga agud nga matapna ro namok nga nagadaea it dengue hay magbulig sa clean-up drive eabi eon sa mga lugar nga may stagnant water agud nga mapabilin ro kalimpyo it palibot.
