KALIBO, Aklan–Nakaeupad eon paadto it Thailand ro dating Pangueo it Sri Lanka nga si Gotabaya Rajapaksa ko Agosto 11.
Raya hay matapos ro anang pagpabilin sa Singapore sa sueod it pilang dominggo.
Suno kay Bombo International Correspondent Mercy Cacan nga nagsakay sa sangka private plane pagguwa it Singapore ro dating Sri Lankan President kaibahan ro anang asawa ag daywang ka mga body guard.
Madumduman nga unang nag-abot sa Singapore si Rajapaksa ko Hulyo 14 kung siin makataliwan ro daywang dominggo hay gin-extend kara ro anang visa.
Temporaryo nga nagtinir ro dating pangueo sa nasambit nga nasyon matapos nga magbakwit bangud sa maeapnagon nga anti-government protest sa Sri Lanka.
Ro andang nasyon hay presenteng nagapangatubang sa grabeng krisis sa ekonomiya kung siin ro ginbaylo sa anang pwesto hay si dating Prime Minister Ranil Wickremesinghe bilang bag-ong pangueo.
