Friendly match sa tunga it Philippine ag Chile women’s football team, nagtapos sa draw (1-1)

KALIBO, Aklan—Nagtapos sa draw (1-1) ro ginpatigayun nga friendly match sa tunga it Philippine Women’s football team ag Chile women’s football team sa Sausalito Stadium, Viña del Mar, Chile makaron nga adlaw it Dominggo.

Suno kay Bombo International Correspondents Ms. Jean Diana Beniking nga manami ro ginpakita nga performance it koponan it Pilipinas eabi eon pag-abot sa depensa.

Una sigon nga nakapuntos ro Philippine Women’s football team sa unang parte it hampang kung siin nahimo raya nga maeagas it Chile bangud mabaskog ro andang attacking skills.

Samtang, nakataeana man ro 2^nd match it daywang koponan sa adlaw it Martes sa bahin it Santiago.