KALIBO, Aklan—Ginkumpirma it sangka transport cooperative sa Aklan nga nabaton eon it andang mga miyembro ro fuel subsidy halin sa gobyerno.
Suno kay Malinao-Lezo Transport Cooperative ukon MLTC chairman Edgar Igcasenza nga na-download eun it Department of Transportation ukon DOTr ro fuel subsidy it mga unit ku nagtaliwan nga Setyembre 13, kung siin nga P10,000 ro ayuda para sa modernized units, P6,500 sa traditional jeeps, P1,500 sa delivery panel ag P1,000 sa mga tricycles.
Suno kana nga pila sa mga drivers sa Western Side hay amat-amat eon nga gingamit ro andang subsidiya gamit ro Pantawid Pasada Card.
Uman kara nga ginpadumdum sa mga drivers ag operators nga kung indi gid malikawan nga iwithdraw ro ayuda hay paunahan anay it gamit sa gasolinahan agud nag indi magresulta sa violation pero internal sigon raya nga suhestiyon ag bukon it pormal bangud nga sa Memorandum Circular it DOtr hay para eang sigon raya sa gasolina.
Dugang pa nana nga ginpahayag it gobyerno samtang nagasaka pa ro presyo it gasolina hay padayon man gihapon sanda nga magasuporta sa mga trabahante ag sa transport sectors pinaagi sa ayuda.
