KALIBO, Aklan—Matapos ro naexperiensiyahan nga grabeng pagbaha, fully operational eon ro tanan nga pumping station it Metro Kalibo Water District eakip ro bulk water supplier nga datem agud nga mataw-an it nagakaigo nga supply it tubi ro mga miyembro konsumidor.
Sa pihak kara, ginpahayag ni Frederick Buenavidez, tagapaghambae it MKWD nga may pila pang parte it Kalibo ro mahinay ro tubod it tubi ukon haeos owa pa it supply.
Raya hay bangud nga haeos dueuengan ag maabu ro nagagamit kamana man nga kinahangean nga hueaton ro pagbaskog it pressure it tubi sa mga pipeline.
May pilang planta sigon sanda nga ginkinahangean nga i-shutdown matapos nga maabot it tubi-baha.
Ginpahayag dugang nga kanda man nagabo-oe it supply it tubi ro Bureau of Fire Protection sa presenteng gina obra nga flushing ukon paglimpyo sa mga daeanon nga eapukon.
Kadungan kara, nag pangayu sanda it pasaylo sa mga apektadong konsumidor.
