KALIBO, Aklan—Gin-engganyo ni Atty. Axel Gonzales, sangka batikan nga abogado sa probinsya it Aklan ro tanan nga naging biktima it dating brodkaster nga si Carlo Asturias nga magguwa ag magpasaka it kasong estafa.
Suno kay Atty. Gonzales nga klaro nga may natabo nga pagpangloko, estafa ag abuse of confidence base sa panaysayon it daywang tagreklamo.
Masyado sigon nga nagkumpiyansa ro tawo kana bangud nagatrabaho raya bilang katapo it media.
Mas mayad sigon kung mag-ugyon ro tanan nga mga biktima ni Astorias agud nga mapabaskog ro pagpasaka kana it kaso.
Indi sigon dapat nga magkahadlok bangud tyempo eon para ipakigbato ro andang kinamatarong kamana man nga matapna ro bulok nga hilimuon it dating brodkaster nga nakakasamad sa imahe it iba kara nga kaibahan sa industriya.
Madumduman nga nauna eon nga gindeklarang persona non grata it Aklan Media Integrated Alliance ukon AMIA si Asturias.
