KALIBO, Aklan — Ginaeauman nga maka-eagas ro contractor it new Kalibo public market sa gintau kanda nga extension agud nga matapos ro proyekto sa maabot nga Pebrero 28, 2026.
Raya ro ginpahayag ni Sangguniang Bayan member Engr. Emerson Lachica.
Suno kana nga base sa accomplishment report it Municipal Engineering Office it LGU-Kalibo as of Nobyembre 30, 2025, una eon sa 71.5% nga tapos ro proyekto ag ginaeauman nga matapos sa gintaeana nga petsa.
Sa committee meeting kaibahan si Engr. Angelo Tanbua it Rotaflex Construction and Development Corporation, ginplastar kara ro kaundan it anang design, kun sa siin, gina-respeto ag may pagsalig sigon sanda sa anang trabaho bangud sa anang tract record nga naging board of director it Association of Structural Engineers of the Philippines.
Nauna kara, ginkumpirma ni Engr. Tanbua nga ro gina-construct nga building hay may kabahueon eamang nga 2,680 square meter halin sa masobra sa 6,000 square meters nga area it tindahan bangud nga raya eamang sigon ro nasarangan it gin-alokar nga pondo nga P300-milyon.
Ro bakante nga espasyo sa palibot hay pagagamiton nga parking space.
