KALIBO, Aklan—Ginapaburan nga ro republicans ro magapangibabaw sa US congress sa ginpatigayon nga midterm elections.
Raya ro ginpahayag ni Bombo International Correspondent Gary Boyd it Las Vegas, Nevada.
Suno kana nga maabu nga mga botante ro nagakabaeaka sa presenteng daeagan it ekonomiya.
Kaeabanan sigon hay bukon it kuntento sa pagpadaeagan it nasyon ni US president Joe Biden.
Si Biden hay may nabilin pang daywang dag-on sa anang termino, apang mabahoe ro posibilidad nga magabag-o ro liderato sa senado ag manaba nga kapueongan it kongreso pagkatapos it paghuyap it boto.
Engkaso nga makaangkon it aberya, ginaeauman nga masayuran pa ro resulta pagkataliwan it daywa hasta tatlong adlaw.
Apang hin-aga hay may nakikita eon sanda nga klaru nga resulta.
Sa pihak nga parte, kaeabanan suno kana nga owa it may nailistang kinagamo sa mga polling locations sa mga mid-term elections kamana man sa presidential elections.
