Ginatanyag nga baby gender selection sa sangka ospital sa China,  ginapapundo 

HEALTH News —- Ginapapundo it mga otoridad  ro gina-offer nga baby gender selection services it sangka ospital sa siyudad it Chongqing sa China.

Base sa  report,  ginlunsar it  Edward Hospital, sangka private facility sa siyudad ro fetus customisation service, kun sa siin pwede nanda nga mabuligan ro mga   tawo sa gusto nanda nga gender it andang magiging unga.

Nagatanyag  sigon it tatlong package ro nasambit nga ospital nga may katumbas nga nagkaeain-eain nga presyo, kun sa siin ro  “LST Baby Tailor-Making” ro pinakamahae.

Ginabawae sa China ro gender identification sa mga health institutions mag-eowas eon lang kun   may una nga medikal nga rason.