Nagapangayo it dipensa ro Hong Kong actress nga si Franchesca Wong nga nagganap bilang sangka Filipino domestic worker sa sangka primetime television drama.
Raya hay matapos nga umere ro ika-pitong episode it seryeng Barrack O’Karma 1968 nga humakot it nagkaeain eain nga reaksyon online kamana man it kritisismo maghalin sa Philippine consul general sa Hong Kong.
Sa sangka statement, ginpahayag ni Wong nga bukon sigon nana it intensyon nga i-discriminate ro ano man nga lahi ukon ethnic group kasunod it ana nga pagpangayo it dipensa angot sa anang aksyon.
Suno kay Wong, ro anang eksperyensiya hay magaserbi nga leksyon sa anang sining nga madaeom nga naga representa sa ugat it social attitudes.
Madumduman nga una eon nag nagviral online ro sangka video ni Wong nga nagabutang it brown nga makeup sa ana nga panit samtang gina tuead ro accent it mga Pilipino sa makabueo bueo nga pamaagi.
Gintaw-an man raya it atensyon ni Philippine Consul General Raly Tejada ag ginpahayag nga ignorante ag insensitive ro palabas.
