KALIBO, Aklan—Ginkalipay it mga drivers/operators it public utility jeepney ro ika-pitong oil price rollback makaron nga adlaw it Martes.
Suno kay Julio Gatanila it Ibajay Transport Cooperative nga maskin nga sentimos eamang ro ginbawas sa kada litro it gasolina ag diesel, apang mabahoe raya nga bulig kanda nga mga motorista bangud sa amat-amat nga pagpanaba it presyo.
Umpisa sigon nga nagtaas ro presyo it produktong petrolyo hay grabeng pagtipid ro andang gin-obra eabi eon ag may mga estudyante pa sanda nga ginapa-eskwela.
Handum man nanda nga magadere-deretso eon ro pagnaba it presyo it petrolyo hasta sa masunod nga mga binuean agud nga mas pang makabawi bangud nga haeos katunga it andang ginakita hay naagto sa gas.
Sa pihak nga parte, padayun man nanda nga ginareklamo ro mga pampasaherong van nga nakikipag-kompetensiya kanda kun sa siin pila sa mga raya hay kolorum.
