Ginpaidaeom sa forensic analysis nga magabuhay it an-om hasta waeong dominggo ro narekober nga submarine drone sa kaeawran it San Pascual, Masbate.
Suno kay Kenneth Butal, Kaakibat President it Kabalikat Civicom, nakit-an raya it mga mangingisda nga gilayon nga ginturn-over sa mga awtoridad.
Ro submarine hay nabuoe nga una sa non-operational status nga nay kulay yellow, red, ag orange nga masaming gamit sigon sa scientific purposes.
May haba raya nga kapin sa 3.5 meters, 24 cm in diameter ag may bug-at nga 94 kilos.
Base sa andang pagpangusisa sa mga awtoridad, ro makaraya nga klase it equipment hay ginagamit sa pagkalap it bathymetric data kaparehas it water temperature, water depth ag salinity.
Sa makaron suno kay Butal hay padayon ro monitoring sa kaeawran kon sa siin narekober ro nasambit nga submarine drone.
Sa inisyal nga pagpangusisa, commercial designed ag nagaguwa nga ginlunsar raya it snagka mother ship.
Madumduman nga gin-insister it Armed Forces of the Philippines (AFP) nga ginakabig nanda raya nga seryosong bagay ag magapadayon snada nga himuon ro andang mandato nga siguraduhon nga eowas ag bilog ro teritoryo it Pilipinas.
