KALIBO, Aklan–Ginbasura it Osaka District Court sa Japan ro ginpasaka nga kaso it tatlong same-sex couple.
Suno kay Bombo International Correspondent Josel Palma nga nagdihon it reklamo sa korte ro tatlong couple angot sa owa pagpasugot nga irehistro ro kasae it may parehong kasarian sa idaeom it family registered law ag civil code.
Gin-insister sigon it mga tagreklamo nga sangka pag-eabag raya sa konstitusyon rason nga nagdemand sanda it kapin sa 1 million yen para sa danyos.
Base sa naging desisyon it husgado, dapat nga ro interpretasyon sa laye hay naga-anggid sa democratic passion, sentimiyento it publiko, tradition it Japan ag isyu nga ginapangutabang it mag-asawa ag pamilya.
Suno pa sa korte nga owa sanda it pag-eabag sa laye angot sa ginhimo nanda nga pagbawae it pagpakasae it mga same-sex couple.
Nasayuran nga ro Japan eon lang ro nabilin nga nasyon nga miyembro it Group of 7 nation nga owa nagapasugot it same-sex marriage.
