KALIBO, Aklan—Ginpasiguro it Bureau of Fisheries and Aquatic Resources ukon BFAR-Aklan nga bastante ro supply it isda sa probinsiya.
Suno kay John Rey De Eyoy, price enumerator it BFAR-Aklan nga sa pihak it medyu mabaskog nga humbak sa baybayon hay owa nabawasan ro produksyon kara.
Pila sa mga supply hay nagahalin sa kaiping nga mga probinsiya.
Stable man ro presyo it isda sa mga merkado.
Nakadepende suno kana ro presyuhanay it isda sa ginhalinan it source, kabahoe, daeagan it tiempo, ag anang supply.
Sa pinaka-ulihi nanda nga price monitoring sa Kalibo Public Market ko Agosto 28, ro presyo it bang-eos hay nagadaeagan sa 100 to 200 pesos kada kilo depende sa anang kabahoe, ro tilapia hay 120 to 140 pesos, pasayan nga kaeabanan nga naghalin pa sa Bacolod hay 350 to 400 pesos, sugpo nga jumbo hay 700 pesos, seaweeds nga 120 to 160 pesos, taeaba nga 30 pesos per kilo, tahong nga 100 to 120 pesos, alimango nga mixed 500 pesos ag kasag 250 pesos.
Samtang, ro mga mabahoe nga isda kapareho it bantaea-an hay naga-abot sa 320 pesos per kilo samtang ro gurayan hay 170 hasta 180 pesos.
Mag-eowas kara, maabu pa suno kana nga klase it isda ro ginabaligya sa kalibo public market.
