KALIBO, Aklan–Naging madinaeag-on ro ginpatigayon nga sang adlaw nga Maternal and Child Health Care seminar sa banwa it Kalibo.
Suno kay Sangguniang Bayan member Matt Aaron Guzman nga raya hay inisyatibo it taeatapan ni senador pia cayetano pinaagi sa anang request nga insigida man nga gin-aprubahan it lokal nga gobyerno it Kalibo.
Ro aktibidad suno kana hay nakasentro sa tamang pag-alaga it sangka ina para sa healthy ag eowas nga pagnabdos kamana man ro concern sa nagataas nga numero it teen-age pregnancy ag iba pa.
Kapin sa 250 ro mga nagpasakop sa seminar nga ginaeakipan it mga nabdos, barangay nutrition scholar, barangay health workers, mga kababayin-an nga lider halin sa nagkaeain-eain nga barangay it banwa it Kalibo.
Tuyo it nasambit nga aktibidad nga masiguro ro maayos nga pagnabdos ag eowas nga pag-unga , peligro it pagnabdos sa batang edad, tamang pag alaga sa eapsag ag malikawan ro mga problemang pang-ikamayad nga eawas.
Pinaagi kara hay ginaeauman nga mapamayad ro maternal, neonatal ag child health kamana man nga mabawasan ro mga nanay ag mga eapsag nga nagakamatay bangud sa pag-unga.
Pagkatapos it seminar, gin anunsyo nga magatau it financial assistance sa mga nagtambong ro taeatapan ni senador cayetano, apang owa pa it dugang nga detalye angot kara.
