KALIBO, Aklan-Magapanupod it financial assistance ukon aide ro gobyerno probinsyal it Aklan sa mga inunga nga may sab-eag ukon persons with disabilities alas-8 it agahon sa makaron nga adlaw sa ABL Sports Complex raya hay halin kay Gov. Jose Enrique Miraflores.
Suno kay Randy Anthony A. Rebaldo Person’s with Disability Affairs Office Head Aklan nga ginahinyo ro mga ginikanan it mga inunga nga mag-adto it temprano bangud raya hay magabuhay it hasta alas-12 it tru-adlaw eamang.
Dag-unan sigon raya nga aktibidad sa idaeom it serbisyong Joen nga programa.
Magabaton ro 1,611 nga mga inungang benepisyaryo halin sa mga nagkaeain-eain nga eskwelahan halin sa mga applicant ku Oktubre ku Disyembre 2023 it haega nga P2,300 kada indibidwal bangud nga limitado eamang ro pondo makaron nga dag-on.
Dugang ni Rebaldo nga raya nga ayuda hay makabulig sa mga inungang PWDs.
Kinahangean eamang sigon it ID it claimant nga may pirma, ID man it unga nga anang ginabue-an it financial assistance, ag una man dapat ro pirma it ginikanan.
Para sigon sa kaklaruhan hay mahimo man mag-eapit sa andang mga representante sa nasambitan nga venue.
Samtang, sa mga indi makaadto sa makaron nga aktibidad hay mahimo man nga magdangop sa Municipal PDAO agud nga ivalidate sanda kun una sa listahan ag tawagan sigon ro PDAO Aklan agud nga ischedule ro release nanda kun sanda hay una sa listahan.
