Gobyerno probinsyal it Aklan, nagpatigayon it distribution it financial assistance

Nagpatigayon it distribution it financial assistance ro gobyerno probinsyal sa mga indibidwal nga eubus nga nagakinahang-ean partikular ro mga naging apektado it bayong Paeng sa ABL Sports and Cultural Complex.

Suno kay Aklan Governor Joen Miraflores, ro pondo para sa Assistance to Individuals in Crisis Situation (AICS) hay naghalin sa mga senador partikular kanday Senadors Bong Go, Grace Poe ag Joel Villanueva.

Ro nasambit nga kantidad hay ginhueay-hueay sa mga kabanwahanan kon siin ro mga benepisyaryo kara hay ginpili mismo it lokal nga gobyerno it natungdan nga banwa.

Ro bulig-pinansyal it gobyerno hay para makabangon it uman ro mga aklanon eabi eon gid ro mga makabig nga kubos.

Mag-eowas kara, eauman suno kay Gov. Miraflores nga may dugang pang bulig maghalin sa national government para sa iba pang programa it gobyerno kon siin ginatinguhaan sigon nanda nga maabot iya sa probinsya para makabenipisyo ro mga pumueoyo.