KALIBO, Aklan—Ginpasaka sa P1.1 milyon ro grand prize sa sadsad contest sa tribal big category it Kalibo Sto. Niño Ati-Atihan Festival 2025.
Ro mga tribu nga makaangkon it kahigayunan nga maangkon ro nasambit nga premyo hay ro defending champion nga Black Beauty Boys, kaibahan ro Libtong Boys, Tribu Linabuanon, Tribu Alibangbang, Maharlika, Vikings ag Pangawasan.
Nasayuran nga sa kauna-unahang kahigayunan sa kasaysayan it festival hay gin-obra nga sang milyong piso ro grand prize kun sa siin ro Vikings Tribe it Dumga, Makato ro buena mano nga nakabaton kara ko 2023.
Kabilugan nga 34 nga Ati-Atihan contingents ro magpapakitang gilas sa festival suksok ro andang mga makulay nga costumes nga pagahiwaton sa Enero 18, 2025.
Mag-eowas sa grand prize nga 1.1 millyon pesos , ro second placer hay magabaton it P400,000.
Maga-uli man it P170,000 ro 3rd place, P70,000 ro 4th place, P60,000 sa 5th place, P50,000 sa 6th place ag P40,000 para sa 7th place.
Maga-umpisa ro sadsad contest bandang alas-8 it agahon sa Osmena Avenue paagto sa Kalibo Pastrana Park.
