Ginaduso it grupo it mga health workers sa nasyon sa masueod nga bag-ong administrasyon ro pagsuporta para mas mapanami ro kabuhi it mga ordinaryong Pilipino.
Sa ginprisenta it Alliance of Health Workers (AHW), sambilog sa andang ginaduso ro pag-expand it financial support sa health sector ag para eon man sa benepisyo it mabahoe nga bahin it nasyon nga madaling maapketuhan it mga kalamidad.
Gusto man it grupo nga nagatindog para sa mga health-care workers nga iprayoridad sigon ag taasanan ro spending para sa ikaayong eawas it tanan kamana man it pagtaas it sweldo para sa entry-level nurses ag iba pang health-care providers para indi eon nanda kinahangean pang aywanan andang pamilya para magtrabaho sa ibang nasyon.
Dapat sigon nga itaas ro spending it gobyerno para sa health-care it asta sa 10% it GDP.
Dapat eon man nga taasanan eon it gobyerno ro bueanang sweldo it mga front-line health workers nga may Salary Grade 1 it asta sa p25,000 maghalin sa presenting P13,000 para mataw-an sanda it living wage ukon sweldo nga kapareho it andang cost of living.
