Sumipa eon sa haeos P500 million ro haega it danyos nga gin-aywan sa sektor it imprastruktura it nag-agi nga bagyong Florita sa nasyon.
Sandig sa pinaka-ulihing situational report it National Disaster Risk Reduction and Management Council (NDRRMC), may 102 imprastruktura ro nasamad umpisa sa ilocos region ag Cagayan Valley nga nagabalor it kabilugang P498,980,000.
Sa nasambit nga kabilugang numero kapin sa 93 infrastructure kara hay maghalin sa Ilocos region nga nagabalor it P474,580,000.
Kapin sa siyam man nga mga imprastraktura ro nahalitan sa Cagayan Valley nga nagabalor it P24,400,000.
Samtang sa sektor man it agrikultura, suno sa NDRRMC nakalista sanda it danyos nga kapin sa kabilugang P3,414,672 sa Ilocos region.
May kabilugang 72 kabaeayan man ro nagabalin nga apektado it nagtaliwan nga bagyo kung siin 68 ro partially damage ag ap-at man ro totally damaged.
286 man ro kabilugang nadisplaced nga mga pamilya ukon haeos 1000 indibidwal ro nagapabilin sa mga evacuation centers.
Sa makaron, nagapabilin sa tatlo ro death toll bangud sa nagtaliwan nga bagyong Florita ag ap-at ro nalistang naninahan.
