Naga-abot sa kabilugan nga 468 nga empleyado halin sa nagkaeain-eain nga taeatapan it Department of Finance (DOF) ro gina-imbestigahan it Revenue Integrity Protection Service ukon RIPS it DOF bangud sa pagkaeakot sa anomaliya .
Base sa report nga nabaton ni Finance Secretary Carlos Dominguez III, 58 nga kaso ro ginpasaka nanda sa Office of the Ombudsman, Civil Service Commission (CSC) ag iba pang quasi-judicial bodies umpisa July 2016 hasta December 2021.
Kaibahan sa mga empleyadong gina-imbestigahan hay halin sa Bureau of Customs (BOC), Bureau of Internal Revenue (BIR), Bureau of Local Government Finance, Bureau of Treasury ag Insurance Commission.
Sa nasambit nga numero, 55% kara hay halin sa Bureau of Customs samtang 38% man hay halin sa BIR.
Umpisa July 2016 hasta February 2022 hay 16 eon ro napahalin sa serbisyo, 10 ro napamatud-an nga guilty sa nagkaeain-eain nga kasong kriminal.
Samtang, 35 kara hay ginsuspinde, 9 ro nasermunan ukon naakigan samtang ro 7 ro ginpamulta sa ginapangatubang nanda nga kaso.
