KALIBO, Aklan — Magapangatubang sa reklamong pag-eabag sa Republic Act 9165 ukon Comprehensive Dangerous Drugs Act of 2002 ro sangka hair stylist matapos nga maaresto sa ginpatigayon nga drug buy-bust operation it Malay Municipal Police Station sa Brgy. Balabag sa isla it Boracay.
Ginkilaea ro drug suspek nga si Altomero Aquilles ukon alyas Nonoy, sa legal nga edad, residente it probinsya it Iloilo apang presenteng naga-board sa nasambit nga lugar.
Nabak-ean imaw it sangka sachet it suspected shabu kabaylo it P1,100 pesos nga buy-bust money.
Sa pag-body search kana it pulisya ag sa pagpangusisa sa anang mga kagamitan, narekober dugang ro waeong ka sachet it suspected shabu nga may nagkaeain-eain nga sachet sizes.
Si Aquilles hay uwa gin-untatan it pulisya sa pagmonitor sa anang illegal nga aktibidad hasta sa daeayon nga nadakpan ag presente eon nga una sa kostudiya it pulisya para sa nagakaigong disposiyon.
