Nagdesider ro House prosecution panel nga indi eon magsumite it dugang nga sabat sa sabat ni VP Sara Duterte sa impeachment case, bangud nakapokus sigon raya sa mga teknikal, procedural, ag konstitusyonal nga isyu imbes nga direktang sabton ro mga alegasyon sa Articles of Impeachment.
Suno kay Lanao del Sur Rep. Zia Alonto Adiong, uwa it importanteng ebidensiya ukon kontra-argumento nga ginhathat ro depensa para pamalibaran ro mga pasibangud, kaya uwa eon it pagkinahangwan nga magsumite it rebuttal ro prosekusyon. Ginpunto man it panel nga pwede eon mag-hueag ro impeachment proceedings.
Samtang, ginhambae ni Akbayan party-list Rep. Chel Diokno nga haum eon ro prosekusyon nga ipresenta ro andang mga ebidensiya ag mga testigo sa pagbista, sa pihak nga ginaeauman nanda ro maabong teknikal nga pagbaeabag halin sa kampo it bise presidente.
Nakataeana ro pre-trial conference sa Hunyo 15, samtang ginaeaumang maga-umpiusa ro pormal nga impeachment trial sa Hulyo 6.
