KALIBO, Aklan — Nagpatigayon it piket rally kaina nga agahon ro Bagong Alyansang Makabayan ukon Bayan-Aklan sa Barangay Estancia, Kalibo agud nga dumdumon ro ika-9 nga death anniversary ni Fernando Baldomero.
Suno kay Kim Sin Tugna, provincial chairperson it Bayan-Aklan nga maskin nga ginakabig eon it PNP nga “case closed” ro pagpatay kay Baldomero bangud nga may naaresto eon nga mga suspek, apang padayun sanda nga nagasinggitan it hustisya para kana.
Nasayuran nga si Baldomero nga dating Sangguniang Bayan member it banwa it Lezo ag dating provincial coordinator it Bayan-Aklan ro kauna-unahan nga aktibistang napatay sa idaeum it administrasyong Aquino.
Ko Hulyo 5, 2010, imaw hay ginbaril it riding in tandem sa prente it baeay nga anang gina-rentahan sa Brgy. Estancia, Kalibo samtang nga nagapahaum kunta nga maghatud sa anang unga sa eskwelahan.
Imaw hay nag-angkon it tatlong tama it bala sa ueo rason it anang insigidang kamatayon.
