KALIBO, Aklan — Ginpamilit ni Atty. Harry Sucgang, sangka political analyst sa Aklan nga dapat nga taw-an it compulsory process ukon matuod nga ngipon ro imbestigasyon sa maanomalyang infrastructure projects.
Suno kana nga bangud sa kawad-an it contempt ag subpoena power ro komisyon, indi mapilit ro mga opisyal ag pribadong indibidwal nga mag-atubang ag magsumite it mga importanteng dokumento sa mga imbestigasyon.
Dugang pa kara nga mas pa nga nabawasan ro kredibilidad it ICI matapos nga mag resign si Commissioner Babes Singson bangud sa limitado kara nga gahum.
Ginpahayag pa ni Atty Sucgang nga kon magapabilin nga owa it ngipon ro ICI, mabudlay nga maangkon ro hustisya ag mapasabat ro mga nagkamkam it bilyon-bilyong piso nga gingastos sa mga proyekto it gobyerno.
