Nagapati si Presidential Anti-Organized Crime Commission (PAOCC) spokesperson Winston Casio nga dapat mag-umpisa sa mga law enforcement agency ro imbestigasyon angot sa daeayon nga pagpaeagyo ni Alice Guo kaibagan ro iba pang indibidwal nga daeahig sa illegal nga operasyon it Philippine Offshore Gaming Operators.
Suno kay Casio, siguradong may nagpabaya sa mga ahensya nga nagatutok sa kaso ni Alice ag sa kabilugan nga operasyon it Philippine Offshore Gaming Operators.
Mas mayad kon maimbestigahan ro tanan nga mga ahensya nga nagatutok dikara kaibahan ro Presidential Anti-Organized Crime Commission nga sambilog sa mga nagpatigayon it pagsalakay sa daywang Philippine Offshore Gaming Opetors hub sa Bulacan ag Pampanga.
Suno pa kay Casio nga nakabaton eon dati pa it impormasyon ro PAOCC angot sa pagpaeagyo sigon ni Guo sakay it speed boat.
