KALIBO, Aklan—Indi pa mabaton it mga pigado nga senior citizens ro dugang nga 500 pesos sa kada buean nanda nga pension.
Raya ro ginpahayag ni Kalibo sangguniang bayan member Agosto Tolentino.
Suno kana nga plano nana nga magdihon it resolution of support sa mga kongresista angot sa tikang nga pagahimuon kon siin pwedeng magbo-oe it pondo.
Ginpaathag ni SB tolentino nga owa it nakatigana sa idaeaum it 2023 National Expenditure Program ukon NEP para sa dugang nga P500 pesos sa kada buean nga pensyon sa mga indigent nga lolo ag lola.
Ginpaathag sigon ni Department of Budget and Management Undersecretary Tina Rose Marie Canda nga nagakinahangean it P24.5 bilyon pesos agud nga magdoble ro pensyon it mga senior citizen sa masunod nga dag-on.
Ginpaathag dugang ni Tolentino nga natapos eon nga obrahon ro budget kat maging laye ro proposisyon nga obrahon nga P1,000 pesos ro presenteng P500 pesos nga ginabaton nga monthly pension it mga pobreng senior citizen.
Plano it DBM nga magtau it kopya sa mga mamalidha it utilization rate it nagkaeain-eain nga ahensya agud nga masayuran kon siin pwedeng makabo-oe it pondo.
Nasayuran nga sa 2023 NEP nga ginsumite sa Kongreso, may nakataeana nga P25.3 bilyon pesos para sa Social Pension for Indigent Senior Citizens.
