Naghinay ro inflation ukon ro pagtaas it pangkabilugang lebel it presyo it mga produkto ag serbisyo sa Pilipinas ko buean it Hunyo.
Ginpahayag ni National Statistician ag Philippine Statistics Authority chief Claire Dennis Mapa, naghinay sa 3.7% ro inflation ko nagtaliwan nga buean halin sa 3.9% nga nailista ko buean it Mayo.
Nagresulta raya sa year-to-date inflation nga 3.5% nga sueod sa target range it gobyerno para sa inflation nga 2% hasta 4% para sa 2024-2028.
Ro nagapangunang amot sa mas mahinay nga inflation hay ro paghinay it pagtaas it haega it housing, tubi, kuryente, gas ag iba pang produktong petrolyo ag transportasyon.
Samtang sa pihak nga parte, ginpahayag ni National Economic and Development Authority (NEDA) Secretary Arsenio Balisacan nga committed sandang ipabilin ro inflation rate it nasyon sa target range nga 3% hasta it 4%.
