-- ADVERTISEMENT --
Nagpositibo sa Dengue ag Urinary Tract Infection (UTI) ro aktres nga si Jane De Leon.
Sa social media post, ginpakigbahin ni Jane ro anang kondisyon kadungan it pagpangayo it pasaylo sa anang mga fans bangud sa bukon it pagiging active.
Samtang, ginpasiguro man kara nga insigida imaw nga magapamayad ag magasabat sa mga fans nga nagpaabot it mensahe.
Madumduman nga ko nagtaliwan nga dominggo hay ginselebrar ni Jane ro anang ika-24th birthday.
