MAKATO, Aklan—Kabilugan nga naging madinaeag-on ro ginpatigayon nga opening salvo it Ati-Atihan Festival ag opening of lights sa banwa it Makato.
Suno kay P/Lt. Arnold Tejada, deputy chief of police it Makato Municipal Police Station nga uwa it mga untoward incident and accident nga nag-eontad sa nasambit nga banwa sa kabilugan it selebrasyon.
Sa bulig suno kana it mga PNP personnel nga ginpadaea maghalin sa Aklan Police Provincial Office, barangay tanods, ag iba pang force multipliers hay napatigayon it maayos, masadya ag matawhay ro tanan nga aktibidad.
Una kara, ginbawae ro mga de botelyang ilimnon, mga hinangiban ukon mga mataeawis nga bagay ag iba pa sa festival zone area agud nga malikawan ro pilang ka mga kinagamo.
Ginaeauman it mga kapulisan nga magapadayon ro masadya ag matawhay nga pagpatigayon it mga aktibidad angot sa ginabantayan nga selebrasyon it Ati-Atihan Festival sa buean it Enero ag ro nagahilapit nga selebrasyon it Paskwa ag Bag-ong Dag-on.
