Umagaw it atensiyon ro ginpakitang solid performance it Pinoy 7-footer nga si Kai Sotto matapos nga pahuyaon it anang team nga Adelaide 36ers ro powerhouse NBA team nga Phoenix Suns, 134-124.
Sa kabilugan it anang 18 minutes nga paglhampang nagpaguwa si Sotto it daywang dunks, tumipon it 11 points, daywang rebounds, daywang steals ag sangka assists.
Natigayon man nga mabuligan ni Sotto ro team para insigidang pomoste sanda it 16-point lead, gamit ro free throws
Nagpanguna sa diskarte it 36ers hay ro import nga si Craig Randall II nga nagkumada it 35 para kibuton sa three-point area ro dating NBA runner-up nga Suns.
Sandig sa record ro Adelaide 36ers ro unang non-NBA team nga nagdaog sa sangka NBA pre-season game umpisa tag ginhimu man raya it Fenerbahce kontra sa Brooklyn Nets ko nagtaliwan nga Oktubre dag-on 2015.
