Kalibo, Aklan-Ginaeauman nga makompleto eon ro kakueangan it mga abogado sa Public Attorneys Office (PAO) antes nga matapos ro dag-on 2024 sa bilog nga Western Visayas.
Suno kay Atty. Jose Edmund Guillen, Regional Public Attorney, Public Attorney’s Office, Region VI, siyam pa nga abogado ro andang kueang sa 26 nga mga district offices sa bilog nga Region 6 kaibahan ro banwa it Kalibo ag Ibajay sa probinsiya it Aklan, Roxas City, Capiz, ag sa San Jose, Antique.
Pahayag pa ni Atty. Guillen, nataw-an eon sanda it dugang nga item ag ginaeauman nga makompleto eon nanda raya antes nga matapos ro dag-on 2024.
Target it PAO nga mangin 1 is to 1 ro ratio sa andang legal representation para matutukan ro andang mga gina-buytan nga mga kaso sa korte.
Gin-engganyo man ni Guillen ro mga pigado ag owa it ikasarang sa pag-pangayo it libre nga serbisyo legal it andang taeatapan bangud gina-pondohan eon raya it gobyerno.
