Kalibo, Aklan-Nagpaabot it bulig si Mayor Juris Scuro sa mga ginahagupit it Bagyong Carina sa Metro Manila, halin mismo sa anang personal nga buesa. Pahayag ni Jay’Ar Arante head it LGU Kalibo – Media Team, nga nagrepack mismo sa andang baeay ag nagpanupod ro alkalde sa bahin it Metro Manila nga hasta makaron hay nagapadayon pa.
Imaw eamang ro naghimo it relief operations ag uwa pa sigon it ibang ahensiya nga halin sa Kalibo. Masayuran nga may team ro alkalde sa nasmabitan nga lugar kun siin nga personal imaw nga magatao sa nasambitan nga mga goods.
Pangunang kinahangeanon kapareho it pagkaon ro ginapanupod it alkalde. Pahayag nana nga maghueat eun lang sa ibang anunsyo kun mahimo magdanor halin iya sa banwa. Uwa man nagpagguwa it kabilugan nga gastos ro alkalde sa anang relief operations kun siin daea nana ro banwa nga may kabaeaka.
Samtang, padayon ro pagpahaom it LGU Kalibo sa mga apeaabuton nga aktibidad it banwa.
