KALIBO, Aklan—Ginahangkat ni Kalibo sangguniang bayan member Agosto Tolentino ro Kapisanan ng mga Brodkaster ng Pilipinas ukon KBP-Aklan chapter nga ideklara man nga persona non-grata ro media personality nga si Carlo Asturias.
Raya hay kasunod it pagpangloko sa mga tawo nga anang gin-utangan gamit ro anang propesyon.
Suno kay Tolentino nga dati man nga KBP Aklan chapter president nga dapat eon nga maghimo it nagakaigo nga aksyon ro presenteng chairman nga si Mr. Apolonio Seraspi bangud sa paghigku ni Asturias sa pangaean it media community sa Aklan.
Nasayuran nga ginpatalsik man si Asturias sa sangka estasyon it radyo sa Roxas bangud sa anang kabulastugan antes nga nagsaylo sa Aklan.
Sa pihak kara, gindayaw nana ro mga akeanon nga katapo it media nga puro matino suno kana.
