KALIBO, Aklan–Nagapanawagan si Sangguniang Bayan member Agosto Tolentino sa lokal nga gobyerno it Kalibo partikular kay Mayor Juris Sucro nga maghimo eon it nagakaigo nga aksyon kon paalin nga ma-rescue ro mga badjao nga uman nga nagapamerwisyo sa mga motorista ag mga pumeuyu.
Suno kana nga tiempo eon agud nga mapa-uli ro mga raya sa mas madali nga tiempo sa andang natungdan nga lugar.
Ginhalimbawa nana ro tikang nga ginhimo dati ni Kalibo Mayor William Lachica may limang dag-on eon ro nagtaliwan kun sa siin matapos nga matipon ro mga nagapakalimos nga badjao hay nagtaeana it pondo ro LGU para sa pamasahe it mga raya.
Nasayuran nga nag-renta it bus ag may nag-escort sa mga raya paagto sa Iloilo hasta nga makasakay it barko paagto sa Mindanao.
Mag-eowas nga takaw-aksidente ro andang ginahimo nga pagpakalimos, ginareklamo man ro mga raya sa pag kalhit it andang mga higku sa mga lugar nga andang gina-tiniran.
