KALIBO, Aklan–Plano makaron ni Kalibo Sangguniang Bayan member Augusto Tolentino nga magdihon it sangka resolution para suportahan ro House Bill 10647 sa kongreso.
Tuyo kara nga amyendahan ro Republic Act 10868 ukon ro Centenarians Act of 2016.
Nakabaehag sa hagna ro pagtao it cash gift it gobyerno sa mga senior citizen nga maga-edad it 101 anyos it P1 million samtang P25,000 mat-a sa mga makaabot it edad 80 hasta 90 anyos.
Mabahoe sigon raya nga bulig sa pang adlaw-adlaw nga kinahang-eanon it mga katigueangan partikular sa pagbakae it andang maintenance ag pagkaon.
Sa kamatuoran suno kana hay haum eon ro anang resolution ag nakataeana eon nana raya nga igapasa sa Sangguniang Bayan.
Plano man sigon nana nga mataw-an it dugang nga ayuda halin sa lokal nga gobyerno ro mga senior citizen sa Kalibo nga makaabot sa nasambit nga edad.
