Kalibo, Aklan-Naging madinaeag-on ro kampanya it pilipinas sa ginpatigayon nga 2024 Paris Olympics.
Suno kay bombo international correspondent mary den araneta it paris, france nga owa eon it baeantayan nga hampang ro team Philippines nga makaron hay una sa ika-29 nga pwesto sa medal tally nga may daywang ka gold ag daywang bronze.
Sa nagahilapit nga pagtapos suno kana it olimpiyada, buhos makaron ro mga turista sa ginatawag nga Champions Park partikular sa mga fans nga gusto nga ma-enjoy ro Olympic experience ag makita ro mga nakaangkon it medalya nga naga-ililiba.
Raya hay bukas adlaw adlaw , owa it ticket nga required ag libre ro tanan nga magtambong sa mga ginapatigayon nga party. Ginpaathag ni araneta nga dikara sa Champions Park ginhiwat ro Opening Ceremony ag sa ubos raya it sikat nga Eiffel Tower.
Nasayuran nga dueueungan nga maga-uli it Pilipinas ro delegasyon sa Agosto 13 sa Ninoy Aquino International Airport kun sa siin ginaeauman nga pagadumugon ro mga raya it Pinoy fans.
Gina-abangan ro pagbalik ni world champion Carlos Edriel Yulo nga nakabo-oe it daywang bueawan nga medalya sa gymnastics. Kaibahan man sanday Tokyo Olympics silver medalist Nesthy Petecio ag Aira Villegas nga parehong umani it bronze medal sa kanya-kanyang dibisyon sa women’s boxing.
