KALIBO, Aklan–Ginkumpirma ni Punong barangay Niel Candelario it Poblacion, Kalibo ro pormal nga pag-assume ni Mark Erik Sy bilang kagawad agud nga pun-an ro nabakanteng posisyon matapos nga magpanaog sa pwesto ro mismong magueang kara nga si dating kagawad Mark Sy.
Suno kay Kapitan Candelario nga ginsunod nanda ro tanan nga proseso kung siin ro pangean eamang ni Mark Erik ro naga-isaeahanon nga ginpasa kanda para magpapili sa nasambit nga posisyon.
Bangud kara, gilayon sigon sanda nga nagpasa it endorsement sa Office of the Mayor.
Madumduman nga nagpatigayun eon it pagpanumpa si Mark Erik Sy sa atubang nanday Kalibo Mayor Juris Bautista Sucro ag Vice Mayor Dr. Cynthia Dela Cruz ko mga nagtaliwan nga adlaw.
Angot kara, gin-istoryahan ag nakasugtanan man sigon it konseho nga pagapadayunon eon lang ni Kagawad Mark Erik Sy ro gin-aywanan nga komitiba ag ginabuytan nga purok it anang magueang.
Kumpiyansa man si Kapitan Candelario nga mahimo it bag-ong kagawad ro anang trabaho agud nga mas pang makabulig sa mga pumueoyo.
Sa pihak nga parte, gin-engganyo man kara ro mga pumueoyo nga magpartisipar sa andang pagahiwaton nga barangay assembly sa Marso 18.
