Kalibo Aklan —–Kapin sa 11 ka mga indibidwal ro nadakpan it mga nagapatrolyang otoridad sa nagapangunang daeanon it banwa it Kalibo nga nag-eabag sa ginapatuman nga curfew ordinance kabi-i sa tunga it paeag it Coronavirus Disease (COVID-19) pandemic.
Kaabuan sa mga naaresto hay mga kaeaeakin-an nga nagapauli paeang sa andang panimaeay sa tunga it curfew hour.
Ro iba sa mga raya hay una pa sa idaeom it makahieilong nga ilimnon.
Siyam sa mga nadakpan hay nagbayolar sa COVID-19 curfew ordinance samtang ro dugang mat-a nga daywa hay mag-asawa nga gin-aresto matapos nga mag-inaway.
Angot kara, maskin ginbutang eon sa Extended General Community Quarantine ro bilog nga probinsya it Aklan hay nagapadayun pa gihapon ro pilang polisya nga nauna eon nga ginpatuman kapareho it pagsuksok it facemask, pag-obserba it social distancing ag curfew nga naga-umpisa it alas 9:00 it kabi-i hasta it alas 5:00 it aga-aga.
Raya hay agud nga mapunggan ro pagkalhit pa it makataeapon nga sakit.
