NATIONAL News — Nag-abot sa haeos 3,000 nga mga proposed bill ro gindihon it Senado sa nagtaliwan nga tatlong dag-on sa idaeum it 19th Congress.
Base sa statistical report it indexing ag monitoring section it Senado, masobra 2,200 ro na-file sa First Regular Session, masobra 430 sa 2nd regular session, ag haeos 290 sa 3rd regular session.
Raya hay hasta ko Marso 12, kun sa siin masobra sa 700 ro naobrahan it committee report samtang 47ro napirmahan it presidente ag dayun nga nangin laye.
Pila sa mga mabahoe nga hagna nga nangin kasuguan hay ro Maharlika Investment Fund, pagpaiway sa barangay ag SK elections, No-Permit-No-Exam ban, pagtau it cash incentives sa mga senior citizens nga naga-abot ro edad sa 80, 85, 90 ag 95; pagpabug-at it penalidad sa financial scamming ag mga kasuguan nga magaprotekta sa West Philippine Sea (WPS).
Samtang, may una man nga masobra 1,300 nga resolusyon ro gin-file sa Senado eakip eon ro mga resolusyon nga may kaangtanan sa imbestigasyon sa pilang mga isyu nga ginapangatubang it nasyon.
